在網絡世界以外，五弟比三哥低調得多，五弟最高調的一次，是一〇年發聲明，講當年分家是按雙方協議，反擊冒牌傳言。本刊記者找五哥時，他的反應也不太客氣。
「懶肉物演小勒，凍鏈茶！」（腩肉墨丸小辣，凍檸茶）譚仔阿姐的口音在網上成為熱話，高登仔甚至話「講嘢無口音嘅師奶無資格做譚仔阿姐」，三哥睇準話題，自行抽水宣傳。
首間譚仔雲南米線，九六年在長沙灣永隆街一號開業，售賣蔡瀾鍾愛的白灼苦瓜，及三哥親手製的蘭州拉麵。該店已結業。
三哥父母本在大陸生活，曾飽受政治迫害，三哥憶述：「我阿爺係大地主，富甲一方，到阿爸時經歷文革被人批鬥、坐過監，財產被共產黨侵吞晒。」六十年代，當時兩歲的三哥就跟父母和二哥（大哥一出生就夭折）從家鄉湖南偷渡來港。
三哥用四個字形容來港之初生活：「苦不堪言。」父親帶着他們一家四口，屈在深水埗青山道一間「廁所咁大」的板間房：「下面係大牌檔，上面就等於而家嗰啲九層海鮮塔，我和爸、媽、哥就喺上面扮龍蝦、鮑魚不停被蒸」、「以前成家人用一個斗零，去大牌檔買一大袋麵包皮，倒喺地下就食」，「半夜三更想食個公仔麵，你不會去煮，你一定不會去煮，因為你煮完已經不肚餓，由你透透透，拿紙碎，拿報紙，慢慢透著個火。」
滿口湖南音的譚爸，初來港找工作非常艱難又常被搵笨：「佢去紗廠做嘢，要交三十蚊按金，點知做幾日就俾人踢走，錢都拎唔番。」
但三哥話，當時大部分港人都是大陸移民，行出街「十個有九個講嘢都唔正」，大家為搵食，即使被人睇唔起都冇所謂，唔識咩叫「歧視」。現在譚仔起用大量新移民「口音阿姐」，除了市場勞動力因素，原來也有追憶譚爸的元素。
後來譚爸好不容易找到份塑膠廠的穩定工作，譚媽亦同時在街邊擺檔賣生果，公一份婆一份，養育二哥和三哥之餘，又在香港生多三個細路。辛辛苦苦捱了大約十年，譚爸儲了筆錢，在現今龍翔道澤安邨附近的半山木屋區，搭了個山寨廠，前廠後居，從事鄉下祖業冶金。
六弟稱，他們曾幫將軍澳捷和神鋼廠收廢料煉銅和鈀金，「有間叫捷和，做銅和生產鋁材」，又會燒舊菲林底片煉銀：「好似燒車胎咁大煙，直情在山上面，有一個大爐，拋下去燒燒燒，燒到離遠睇，你以為那裡有恐襲。」六弟憶述當年的山寨運作：「仲要插條喉，再用嘴吸起啲化學品，唔小心就會暈」，「爸爸，三哥，工作的過程中，有些鹽酸和硝酸彈出來，彈到衣服上，幾秒鐘就成個洞穿了。」
身為廠長的譚爸負責發號施令，二哥和只讀到小學五年級的三哥，就負責做工廠的粗重功夫，其他兄弟放學後，就做危險性較低的簡單工序，或者幫譚媽打理家頭細務。當年六弟十歲左右，負責斬柴和透火，七個人各有崗位，為頭家落手落腳。 三哥形容，當時十幾歲的他，雖然每日在工廠如「牛馬生涯」，卻是「人生最開心時候」。而六弟則表示，「在龍翔道有一個好大的一個公園，我們幾兄弟經常都有去打波，玩的，這些情況當時經常有。」不過，三哥在講述這段甜蜜回憶時，絕口不提如今已成生意對頭的五弟和四妹，二哥則沒有加入任何一方的譚仔。
至於五弟，在網絡世界以外，五弟比三哥低調得多，五弟最高調的一次，是一〇年發聲明，講當年分家是按雙方協議，反擊冒牌傳言。他在〇九年，低調透過由港區人大代表馬豪輝出任董事的軒轅教育基金會，以該會榮譽會長身份捐款到湖南家鄉，用父親譚篤壽的名字為一間小學興建教育樓。
撰文：關冠麒
攝影、攝錄：胡智堅、葉漢華、李育明
來源轉自：
（注意：帖內文或圖片中可能含有厭惡性簡體字；本站維護中華文化，堅決行使正體字。版權歸著者所有。）
沒有留言:
張貼留言