顯示具有 陳百祥 標籤的文章。 顯示所有文章
顯示具有 陳百祥 標籤的文章。 顯示所有文章

2013年11月12日 星期二

阿叻囂張:收視剩三點跪返屋企



■網民發起「萬千熄機賀台慶」行動,呼籲全民下周二齊齊熄電視。
下周二無綫台慶日,網民發起「萬千熄機賀台慶」,控訴政府搬龍門踢走港視。無綫藝人「阿叻」陳百祥前日盡顯一台獨大的氣燄,揶揄熄電視行動威力有限,「挑機」指若台慶收視跌剩兩至三點:「我就跪喺度,一路由將軍澳跪返屋企!」,多名藝人也呼籲市民幫手熄電視。
記者:王麗春 白琳 吳嘉羚
網民上月30日發起首個熄電視日,結果無綫晚上黃金時段收視率最高跌四點,流失約25萬觀眾。無綫節目其後在《東張西望》以文革式批評港視。網友決定再下一城,發起熄電視罷睇無綫台慶騷。無綫去年台慶夜最高收視36點,佔收視百分比100%,以每點收視約64,200名觀眾推算,約有231萬人收看。阿叻昨日的「挑機」,擺明是以超高門檻來玩弄網民。
袁彌明:變相為行動打氣
港版《半澤直樹》主角、港視藝人陸駿光指,無綫一台獨大,坐擁慣性收視,質疑阿叻順口開河,「佢不如大膽啲講25點樓下(就跪返屋企),無綫有慣性收視,佢開出兩、三點成績,係同亞視同一層次,唔夠型,又冇『吉士』」。港視另一藝人艾威指,熄電視行動反映公民意向,「如果台慶收視得兩點,我就同阿叻一齊跪。大家想見到我跪,就幫手熄電視」。無綫出身的前港姐袁彌明指阿叻言論變相為行動打氣,「佢咁做激發網友熄電視,佢嘅說話同相片,會變成大口號同icon。大家有一股怒火喺台慶放出嚟,最好唔只淨係台慶,日日都熄電視日」。她又批評收視報告的計法有問題,「佢哋只係計啲舊款電視,我從來唔信佢哋嘅收視點,只係無綫用嚟吸廣告」。now主持梁思浩說:「佢點解只敢講兩至三點,又唔敢講九點?」
事旦男何家泰相信,阿叻言論反映無綫高層心聲,「阿叻係一台獨大產品,佢可以囂,因為有政府偏幫」。他計劃屆時到無綫門外示威。保衛香港自由聯盟昨晚在政總舉行集會,促梁振英不發牌,就立即落台,約50人出席,部份市民批評無綫與亞視節目質素低劣,他們將擺街站促特首不發牌就落台。

陳百祥惹火言論
陳百祥:
「我哋係為唔熄電視嘅人表演,我哋點都有一定收視點。如果可以熄到得番兩、三點(收視率),我就跪喺度,一路由將軍澳跪返屋企!」
「記得熄晒呀,要掹埋電掣,費事唔覺意俾啲貓貓狗狗踩返着個電視。呢個世界怕熄機嘅就唔好做人,怕人杯葛我就冇今日啦!」

【成功陪佢跪】

艾威:「如果台慶收視得兩點,我就同阿叻一齊跪,大家想見到我跪,就幫手熄電視。」
【寸爆冇吉士】

陸駿光:「佢開出兩、三點成績係同亞視同一層次,唔夠型,又冇「吉士」!」
市民有話說
【唔使理佢】

吳女士:「唔使聽佢(陳百祥)講乜啦,我唔睇電視好耐,會叫身邊啲朋友一齊熄電視。」
【辣慶港人】

許先生:「阿叻講嘢係刺激性,今(昨)日我已經同朋友不斷share出去俾人。」
阿叻挑機犯眾憎

■一向有"臭口狗"稱號的偽人陳百祥惹火言論遭狠批。資料圖片
免費電視牌照風暴襲港近一個月,民怨浪潮繼續洶湧,淹沒「一男子」梁振英、行政會議、立法會保皇派,更波及電視霸權。網民發起全港下周二(19日)無綫台慶日熄電視。無綫藝人「阿叻」陳百祥不以為然,揚言假若台慶日收視跌剩兩、三點就「跪返屋企」,多名藝人呼籲市民「萬千熄機賀台慶」,抵制一台獨大。
繼通訊局逐一擊破行會的一籃子謬論後,行會召集人林煥光高調促特首梁振英「深切檢討」,遭其他行會成員非議,林昨澄清「降溫」,否認與梁「割席」。體育、演藝、文化及出版界議員馬逢國懶理業界聲音,在特權法議案投棄權票,影視業界發起歷史性聯署,要求馬引咎辭職。

恐收視跌 客戶或抽廣告

■若多人響應全民於下周二熄電視行動,TVB的廣告客戶有機會抽調廣告。資料圖片
網民上月底發起熄電視行動,令無綫收視最高跌四點。廣告業界指出,雖然電視台沒有責任提供收視保證,但若果廣告商預視無綫台慶日熄電視行動反應熱烈,或臨時抽走廣告。香港的電視台收視調查,承辦商在今年起由CSM改為AC Nielsen。該公司按本港人口統計分佈數據,選800戶安裝收視記錄儀,並首設互聯網收視調查,把互聯網看電視節目的數據納入統計。
以近四周數據作參考
有資深廣告人指,上述800戶家庭必須透過特設遙控器,記錄四歲以上的家庭成員正看電視,廣告商可按數據分析個別年齡、性別的收視狀況。一般電視台公佈的收視點則是綜合800戶的數據。他認為若熄電視行動令收視略降,會影響廣告成效。當廣告商或贊助商預視台慶日收視或受影響,有可能把廣告調到其他時段。另一資深廣告人曾錦添解釋,業界落電視廣告前會參考最近四周數據,按時段收視率和廣告費計算成本。若只有年輕人響應,未必有效。

2013-11-12