黃文邦攝
陳善南攝
林俊謙攝
陳家洛其後指,今日到特首辦遞信,是想代表鴨脷洲和海怡半島居民,要求政府還海濱於民,不應將海濱用地私有化的行動,希望把握時機,在行政會議審議有關城規會決定前,代表市民向梁振英表達訴求。
陳家洛引述當時情況,稱「我哋都未開聲,梁振英行出嚟就對住我講,話呢個係升五星紅旗嘅地方,你今日出嚟呢度做乜嘢?」,陳家洛即反駁:「我同佢講,我係一個香港人,我對政府有訴求,我同居民一齊嚟行政會議,就係要向特首長官提出訴求」,但指梁振英未有聽他說話即行開,其後再三番四次回頭挑釁他,指:「呢度係中華人民共和國地方,你走嚟做乜嘢?」,最後一次折返時,更向陳家洛說:「嗰邊有個居民,佢(居民)攞住支五星旗來我哋呢個地方,陳家洛,你嚟呢度做乜嘢?」,令他覺得梁振英是「無得救」和「痴咗線」,「佢(梁振英)真係早走早著,我哋嚟申述意見,係咪因為我哋政見不同,佢就要偏聽、拒絕聽我哋訴求呢?呢啲咁的人絕對無資格做特首」。
陳家洛批評,梁振英作為一個行政長官和公職人員,見到市民訴求時,第一個決定竟是進行挑釁和製造矛盾,而不是虛心聽市民訴求,「佢(梁振英)成個腦真係染到紅晒,左毒上腦,唔知點解見到我就怒髮衝冠」。
陳家洛又指,不希望林鄭接任特首,未來繼續「無梁振英的梁振英路線」,以與民為敵態度施政,指最近林鄭處理西九故宮事件做法,「已經睇到佢完全係偏聽、完全弄權」,只會聽取同路人意見,對政見不同人士就「手起刀落,排斥異見」。
本報向特首辦查詢事件,暫未獲回應。
來源轉自:
(注意:帖內文或圖片中可能含有厭惡性簡體字;本站維護中華文化,堅決行使正體字。版權歸著者所有。所有評論非本站立場,有疑似影射幸勿對號入座。)
沒有留言:
張貼留言